Problemak Ebazteko Urratsak

Egilea: Anonimoa -
Edozein problema matematiko ebazteko garaian galdera hauek asko lagunduko dizute:

1. Problema ulertu: Zer eskatzen dit problemak? Emaitzak bete behar al du baldintza jakinen bat (zenbaki-mota, zehaztasun-maila, muga batzuen arteko balioa…)? Zein datu ditut? Denak beharrezkoak al dira?

2. Ebazpena planifikatu: Ba al dago problemari aurre egiten lagunduko didan hasierako adierazpenik (taula, irudi, grafiko, eragiketa, arau… erabiliz)? Zer egin beharko dut problemari aurre egiteko?

3. Planifikazioa gauzatu: Bigarren puntuan adierazitakoen baitan, nola baliatuko ditut eragiketak, propietateak, arauak, etab. problema ebazteko?

4. Emaitzaren onargarritasuna baloratu: 1. galderako baldintzak kontuan hartuz, onargarria al da? Zein da problemaren azken emaitza?

Errepide batean egunean zehar pasatzen diren ibilgailuen 5etik 2 kamioiak dira. Goizeko bederatzietatik hamaiketara 4.600 ibilgailu pasa dira guztira. Zenbat kamioi pasa dira errepide horretatik denbora-tarte horretan?
Problema ulertzen
Zer eskatzen dit problemak?
Problemak denbora-tarte batean errepide batetik pasatzen den kamioi kopurua eskatzen dit.
Zein datu ditut? (Zein datu ez dira beharrezkoak eta/edo zein datu behar ditut?)
Datuak:
  • Tarte horretan 4.600 ibilgailu pasa
  • Bostetik bi  kamioiak
  • Neurketabederatzietatik hamaiketara egin (datu hau ez da beharrezkoa)
Emaitzak bete behar al du baldintza jakinen bat?
Baldintza batzuk hauek izan daitezke:
  • Zenbaki osoa
  • 4.600 baino txikiagoa
  • Bostetik bi erdia baino gutxiago denez, emaitza 4.600en erdia baino txikiagoa, hots, 2.800 baino txikiagoa.
Ebazpena planifikatzen
Ba al dago edo sor al dezaket problemari aurre egiten lagunduko didan hasierako adierazpenik (taula, irudi, grafiko, eragiketa, arau… erabiliz)?
Hasierako adierazpen gisa hauek erabil daitezke:
Zer egin beharko dut emaitzara iristeko?
Kantitate baten zatiakalkulatu behar dut.
Planifikazioa gauzatzen
Zein da problemaren ebazpena? Adierazi urratsak.
4.600en  kalkulatu behar dut. Hau da, 4.600 ÷ 5 = 920; 920 · 2 = 1.840
Emaitzaren onargarritasuna baloratzen
Lehen zehaztutako baldintzen arabera, emaitza onargarria al da?
Emaitza onargarria da 1. puntuko baldintzetan adierazitakoak betetzen dituelako; gainera, ez dirudi kontraesanik dagoenik.
Zein da problemaren azken emaitza (esaldi osoak erabiliz)?
Denbora tarte horretan errepide horretatik 1.840 kamioi pasa dira.

Blog honetako argitalpen ezagunak

Aditz Jokatuak eta Jokatugabeak

Egilea: Anonimoa -
Aditzak ekintza baten ( dator, jan, igeri egin dugu ) edo norbaiten edo zerbaiten egoera adierazten du ( izan, geunden ). Aditzak molde jokatuan eta jokatugabean ager daitezke. Aditzak , molde jokatuan, ekintzaz edo egoeraz gain, beste hainbat informazio ematen du: ekintzan parte hartzen duten pertsonak, ekintzaren denbora… Pertsonei dagokienez, euskaraz aditz jokatuak, berak bakarrik, beste hizkuntza batzuetan baino informazio gehiago ematen du; izan ere, euskarazko aditz jokatuak ematen duen informazioa emateko, elementu gehiago behar dira beste hizkuntza batzuetan. Hona adibide batzuk: Ikusi dut esanda, nik zerbait orain dela gutxi ikusi dudala adierazten da. Gaztelaniaz lo/la/le he visto esan beharko nuke hori bera adierazteko, eta ingelesez I have seen it . Ikusi zenuen -ekin zuk norbait atzo edo lehenago ikusi zenuela adierazten da. Ikusiko gaituzte : norbaitzuek gu gero ikusiko gaituztela. Gaztelaniaz, nos verán ; ingelesez, they will see us . Ikusi
Irakurri informazio gehiago

Animalien Sailkapena

Egilea: Anonimoa -
Irudia
Hauexek dira animalien bi ezaugarri nagusi: • Elkarren artean eta inguruarekin erlazionatzeko erraztasuna dute eta inguruko eraginei erantzuteko ahalmena. • Elikadura heterotrofoa dute, hots, beste bizidun batzuk janez elikatzen dira. Animaliak bi talde handitan sailkatzen dira: ornodunak eta ornogabeak. Ornodunek bizkarrezurra dute, eta barneko hezurdura; ornogabeek ez dute bizkarrezurrik, eta, izatekotan, gorputzaren kanpo aldeko babesa edo oskola dute. Animalia ornodunak Bizkarrezurra edukitzea da ornodunen ezaugarririk garrantzitsuena. Bizidunen arteko animalia ezagunenak dira ornodunak eta 45.000 espezie inguru omen daude gaur egun. Ornodunak hainbat bizimodutara eta ingurutara moldatu dira, eta horren ondorio da hainbat forma eta itxurako animalia ornodunak izatea. Gizakientzat garrantzi ekonomiko handia dute. Ornodunen artean dago ugaztunen klasea, eta horren barruan gaude gizakiok, ezin baitugu ahaztu gu ere animalia ornodunak garela, eboluzio prozesu luze b
Irakurri informazio gehiago

Zenbat Planeta Daude Unibertsoan

Egilea: Anonimoa -
Sei urte luzez ikertzen jardun ondoren, zientzialariek kalkulatu dute gutxi gorabehera 100.000 milioi planeta daudela gure galaxian. Dirudienez, izar bakoitzeko 1,6 planeta daude, batez beste, eta zenbat eta txikiagoak izan planetak, orduan eta ugariagoak dira. Lehen, pentsatzen genuen Lurraren antzeko planetarik ez zegoela; orain, badirudi Lurraren antzeko masa duten milioika planeta dabilela izarren inguruan biraka.
Irakurri informazio gehiago