Poligonoak Eta Zirkunferentzia

Egilea: Anonimoa -
POLIGONOAK ETA ZIRKUNFERENTZIA

Poligonoa espazioan eremu itxi bat sortzen duten segmentu-kate batek mugatutako irudi laua da. Poligonoa osatzen duten segmentuak aldeak dira eta bi alderen ebakidura-puntuei erpinesaten zaie. Jarraian ez dauden bi erpin lotzen dituen segmentua diagonala da. Ondoz ondoko bi aldek poligonoaren barruan sortzen duten angelua poligonoaren barne-angelua da.
Poligono hitza antzinako grekotik dator (poli: asko eta gono: angelu); beraz, angelu asko esan nahi du.
Poligonoak alde edo angelu kopuruaren arabera sailka daitezke. Horretarako, gehienetan, alde kopurua adierazten duten aurrizkiak erabiltzen dira. Honako hauek dira aurrizki horiek:

Triangelua: hiru angelu eta hiru aldeko poligonoa
Laukia: lau angelu eta lau aldeko poligonoa
Pentagonoa: bost angelu eta bost aldeko poligonoa
Hexagonoa: sei angelu eta sei aldeko poligonoa
Heptagonoa: zazpi angelu eta zazpi aldeko poligonoa
Oktogonoa: zortzi angelu eta zortzi aldeko poligonoa
Eneagonoa: bederatzi angelu eta bederatzi aldeko poligonoa
Dekagonoa: hamar angelu eta hamar aldeko poligonoa
Dodekagonoa: hamabi angelu eta hamabi aldeko poligonoa

Nolanahi ere, badaude poligonoak sailkatzeko beste irizpide batzuk. Barne-angeluen arabera, poligonoak ahurrak (konkaboak) eta ganbilak (konbexuak) izan daitezke. Poligono bat ganbila da baldin eta bere barne-angelu guztiak 180º baino txikiagoak badira; aldiz, angeluren bat 180º baino handiagoa denean ahurra da poligonoa.
Aldeen luzeraren arabera, alde guztiak neurri berekoak dituen poligonoa erregularra dela esaten da eta, arau hori betetzen ez duena irregularra.
Amaitzeko, zirkunferentzia puntu jakin batetik distantzia berera dauden puntuen multzoa da. Puntu hori zirkunferentziaren zentroa da eta zentrotik zirkunferentziara dagoen distantzia erradioa.

Blog honetako argitalpen ezagunak

Aditz Jokatuak eta Jokatugabeak

Egilea: Anonimoa -
Aditzak ekintza baten ( dator, jan, igeri egin dugu ) edo norbaiten edo zerbaiten egoera adierazten du ( izan, geunden ). Aditzak molde jokatuan eta jokatugabean ager daitezke. Aditzak , molde jokatuan, ekintzaz edo egoeraz gain, beste hainbat informazio ematen du: ekintzan parte hartzen duten pertsonak, ekintzaren denbora… Pertsonei dagokienez, euskaraz aditz jokatuak, berak bakarrik, beste hizkuntza batzuetan baino informazio gehiago ematen du; izan ere, euskarazko aditz jokatuak ematen duen informazioa emateko, elementu gehiago behar dira beste hizkuntza batzuetan. Hona adibide batzuk: Ikusi dut esanda, nik zerbait orain dela gutxi ikusi dudala adierazten da. Gaztelaniaz lo/la/le he visto esan beharko nuke hori bera adierazteko, eta ingelesez I have seen it . Ikusi zenuen -ekin zuk norbait atzo edo lehenago ikusi zenuela adierazten da. Ikusiko gaituzte : norbaitzuek gu gero ikusiko gaituztela. Gaztelaniaz, nos verán ; ingelesez, they will see us . Ikusi
Irakurri informazio gehiago

Animalien Sailkapena

Egilea: Anonimoa -
Irudia
Hauexek dira animalien bi ezaugarri nagusi: • Elkarren artean eta inguruarekin erlazionatzeko erraztasuna dute eta inguruko eraginei erantzuteko ahalmena. • Elikadura heterotrofoa dute, hots, beste bizidun batzuk janez elikatzen dira. Animaliak bi talde handitan sailkatzen dira: ornodunak eta ornogabeak. Ornodunek bizkarrezurra dute, eta barneko hezurdura; ornogabeek ez dute bizkarrezurrik, eta, izatekotan, gorputzaren kanpo aldeko babesa edo oskola dute. Animalia ornodunak Bizkarrezurra edukitzea da ornodunen ezaugarririk garrantzitsuena. Bizidunen arteko animalia ezagunenak dira ornodunak eta 45.000 espezie inguru omen daude gaur egun. Ornodunak hainbat bizimodutara eta ingurutara moldatu dira, eta horren ondorio da hainbat forma eta itxurako animalia ornodunak izatea. Gizakientzat garrantzi ekonomiko handia dute. Ornodunen artean dago ugaztunen klasea, eta horren barruan gaude gizakiok, ezin baitugu ahaztu gu ere animalia ornodunak garela, eboluzio prozesu luze b
Irakurri informazio gehiago

Zenbat Planeta Daude Unibertsoan

Egilea: Anonimoa -
Sei urte luzez ikertzen jardun ondoren, zientzialariek kalkulatu dute gutxi gorabehera 100.000 milioi planeta daudela gure galaxian. Dirudienez, izar bakoitzeko 1,6 planeta daude, batez beste, eta zenbat eta txikiagoak izan planetak, orduan eta ugariagoak dira. Lehen, pentsatzen genuen Lurraren antzeko planetarik ez zegoela; orain, badirudi Lurraren antzeko masa duten milioika planeta dabilela izarren inguruan biraka.
Irakurri informazio gehiago